Politikki

Løkkep partiit talerperliit isumaqatigiinniarnissamut aggersarpai

Danskit ministeriunerata Lars Løkke Rasmussenip inuussutissanut ministeri Eva Kjer Hansen tunuartinngilaa partiillu talerperliusut ualeru, Danmarkimi nalunaaqutaq malillugu, sisamanut isumaqatigiinniarnissamut aggersarlugit.

Allattoq Helle Nørrelund Sørensen

februaarip 24-at 2016 10:25

Nutserisoq Simon Uldum -

Ministeriuneq, Danmarkimi nalunaaqutaq malillugu, 13.30 tusagassiortunik katersortitsinermi taama ilisimatitsivoq.

De Konservativet inuussutissanut ministerimik tatiginnikkunnaarlutik nalunaaruteqarnerisa kingorna ministeriuneq qanoq iliussanersoq ippassaq unnukkulli nalornissutigineqalerpoq. Ministeri taamaalilluni amerlanerussuteqartunit tunuliaqutaqarunnaarpoq, taamaalisoqarneranilu ministerip tunuarnissaa nalinginnaagaluarpoq.

Aamma atuaruk Danskit naalakkersuisui ajornartorsiortut: Løkke tamanit utaqqineqarpoq

Eva Kjer Hansenili Danmarkimi nunalerineq pillugu inatsisissatut siunnersuummut tunngatillugu Løkkep kukkussuteqarsimasorinngilaa.

Taarsiullugu partiit talerperliusut nunalerineq pillugu inatsisissatut siunnersuummut tapersersuinersut aammalu Venstrep naalakkersuisunut Venstremit siuttuuffigineqartunut tapersersuiinnarnersut paasiniarlugu ministeriunerup ataatsimeeqatiserai, Løkke Christiansborgimi Spejlsalimi tusagassiortunik katersortitsinermi taama ilisimatitsivoq.