Danskit naalakkersuisui ajornartorsiortut: Løkke tamanit utaqqineqartoq
Naalakkersuisuutitaqartut partiiat Konservatiivit inuussutissaqarnermut ministerimut Eva Kjer Hansenimut taatiginnikkunnaarlutik oqarput, nunalerineq pillugu inatsisissatut siunnersuut assortuussutaaqisup saqqummiunneqarnerata kingorna.
Tatiginnikkunnaarnermik nalunaaruteqarnerup kingorna ministeri folketingemi ikinnerussuteqalerpoq, tamatumalu kingunerisussanngorlugu ministerip tunuartariaqarneranik. Danskit tusagassiorfiini tusarliunneqartut napertorlugit ministeri pingasunngornermi ullaakkut suliffimminut suliartorpoq.
Lars Løkke Rasmussen folketingemi partiit talerperliit tamaasa ippassaq unnukkut ataatsimeeqatigivai, Venstret naalakkersuisuutitai suli amerlanerussuteqarnersut misissorniarlugu.
Aamma atuaruk Peter Christensen Danmarkimi illersornissamut ministerinngussaaq
AAMMA ATUARUK Danmarkip illersornissamut ministeria tunuarpoq
Venstret naalakkersuisuutitai Konservatiivinit tapersersorneqartut, konservatiivit nalunaarutigaat, taamaattorli Eva Kjer Hansenip ministeritut tunuarnissaa suli piumasaralugu.
Eva Kjer Hansenip aalassassimaarutigineqarneranut inatsisissatut siunnersuut tassani nunalerineq pillugu pissutaavoq. Immikkut ilisimasaqarluartut aamma illuatungiliuttut isumaqaramik Eva Kjer Hanseni kisitsisinik kukkusunik folketingemut saqqummiussisimasoq. Kisitsisit inatsisissatut siunnersuummik avatangiisit eqqarsaatigalugit piviusumik ajunnginnerusumik isikkoqartitsilersut.
