Danmarkimi killiffik nunanilu tamalaani aningaasaqarneq "ilungersunaqisumik" inisseqqapput, Nicolai Wammen oqarpoq.Assi: Philip Davali/Ritzau Scanpix

Danskit naalakkersuisui 197 milliardit koruuninik amigartuussangasut

Danmarki ukioq manna kinguariarfiullunilu pisortatigoortumik amigartooruteqartoqassasoq, aningaasaqarnermut ministereqarfik ilisimatitsivoq.

Danmarki ukioq manna 197 milliardit koruunit pallillugit amigartooruteqassasoq, danskit aningaasaqarnermut ministeriata Nicolai Wammenip (S) naatsorsuutigaa.

Aningaasaqarneq pillugu 2020-mut naatsorsuinerit nutaat kingulliit saqqummiunneqartut taama takussutissiipput.

- Coronavirusip ajornartorsiortitsinerani suliniuterpassuugaluartut, ikiorsiinissamullu aaqqiissuteqartoqaraluartoq kingunipiluutaasinnaasullu pinaveersaartinneqaraluartut, avaqqunneqarsinnaanngilaq 2020-mi kinguariarfiungaatsiassasoq amigartooruteqangaatsiartoqarlunilu. Aningaasaqarnermut ministereqarfik tusagassiuutinut taama nalunaaruteqarpoq.

AAMMA ATUARUK SAS-ip sulisumi affai soraarsikkai

Danmarkimi killiffik nunanilu tamalaani aningaasaqarneq "ilungersunaqisumik" inisseqqapput, Nicolai Wammen oqarpoq.

- Coronavirusip ajornartorsiortitsinerani ikiorsiissutit iluaqutaasut takusinnaalerparput, inuiaqatigiinnilu nakkutigisamik arriitsumillu ammaajartoqqileruttorpugut, Nicolai Wammen oqarpoq.

Isummersuutit