Savalimmiormiut erfalasuat Danmarkimi aammaartumik piffissaanngitsukkut amuneqartoq
![Savalimmiuni mittarfik Vagar tallineqarmat ilutsittumik kinguneqarpoq](/sites/default/files/styles/image_934x467/public/article_images/vestnordisk_flag_foto_simonuldum.jpg?itok=0X550pXI)
Savalimmiormiut erfalasuat Merkiðimik taaguuteqartoq Københavnip Universitetiata silataanni ataasinngormat amuneqarpoq. Sermitsiaq.AG taama allappoq.
Savalimmiormiut inuiattut ullorsiorfiat, Ólavsøka, juulip ulluisa 29-anni nalliussineqartartoq, ataasinngormat juunip ulluisa 29-anni nalliussineqartussatut ullorsiutini allassimavoq.
Danmarkimili pisortaqarfiit kukkuluttorput. Savalimmiormiullu erfalasuat Danmarkimi piffissaanngitsukkut amuneqarnera siullermiilinngilaq.
AAMMA ATUARUK Namminersorlutik Oqartussat inatsisitaarfimmi erfalasulinngitsoortut
Savalimmiormiummi erfalasuat, Merkið, Danmarkip pisortaqarfiisa silataanni 2018-imi 2019-imilu aamma piffissaanngitsukkut amuneqarpoq.
Tamanna ajorluinnartoq, Folketingemi ilaasortaq Savalimmiuni socialdemokraatit paartiat Javnaðarflokkurinimeersoq, Sjúrður Skaale, isumaqarpoq.
- Danmarkimi pisortaqarfiit savalimmiormiut erfalasuata isikkua imaluunniit savalimmiormiut inuiattut ullorsiorfiata ullua pillugit ukiut tallimat ingerlaneranni pingajussaanik kukkuluttussutigaat. Kanngutsinnarlunilu soqutigittaanneruvoq, Sjudur Skaale Sermitsiaq.AG-imut oqarpoq.
Taanna tamatuma kingunerisaanik danskit naalakkersuisuinut sisamanik apeqquteqarpoq.
Danmarkip pisortaqarfiisa savalimmiormiut erfalasuata nunattalu erfalasua Savalimmiut nunattalu ulluanni amusassagaat, Lars Løkke Rasmussenip Danmarkimi ministeriunermini 2018-imi atuutilersippaa.