Pisortat ingerlatsinerat pillugu paasitinneqarsinnaatitaaneq ajornarnerulissaaq
Immikkut ilisimasalik isumaqarpoq danskit oqartussaaffiinut maaniittunut paasiniaasinnaaneq ajornannginnerulissasoq.
Danmarkimili assersuutissaqarpoq suliassanut ministerinut qanittuni inatsisitaaq misissuinissamut ajornerulersitsisoq.
Pisortat ingerlatsinerat pillugu paasitinneqarsinnaatitaaneq pillugu inatsit Folketingip 2013-imi akueraa, erseqqissarlugu innuttaasut danskit oqartussaaffiini suut paasiniarsinnaaneraat.
Inatsit pineqartoq sakkukilliliillunilu sukaterinertaqartoq, Aalborg Universitetimi lektori Sten Bønsing oqarpoq.
- Inatsit nutaanngitsoq naapertorlugu sunarpiaq paasiniaaffigerusunnerlugu toqqaaqqaartariaqartarpoq. Inatsilli nutaaq naapertorlugu suliat arlaqartut pillugit ingerlatsivik katersueqqullugu qinnuteqarfigineqartassaaq.
Læs også Danskit inatsisaata nunatsinni atuutilersinnissaa isumakulunnartoqartikkaat
Qarasaasiatigut toqqorteriviit pillugit paasiniaasinnaaneq ajornannginnerulerpoq:
- Aamma qarasaasiatigut paasissutissanik annertunerulaanik piumasaqartoqarsinnaavoq. Inatsimmili erseqqissarneqarpoq sulianut danskit ministeriinut apuunneqartartunut paasiniaasinnaaneq annikillineqartoq.
- Ministerip suliaanik oqilisaanneqarnissaa siunertaralugu paasissutissat oqartussaasut akornanni ingerlatinneqartartut pineqarput. Suliamut tunngasumik aaalajangiisoqareertillugu pisortat paasissutissaataannik tamakkiisumik allakkatigut paasissutissinneqarnissamik qinnuteqaatitigut siornatigut suliaasarsimasut maanna atuukkunnaarput.
Tusagassiortoq aviisimi Informationimeersoq suliamut tunngasumik paasisaqarusukkaluartoq nakkutiginninneq pillugu isorinnilluni allaaserisaqarsimammat Inuussutissarsiornermut ministereqarfimmit itigartinneqarsimavoq.
Læs også Danmarkimi inatsit danskit nunatsinni oqartussaasuinut atuutsikkusukkaat
Folketingip ombudsmandia aalajangersimavoq suliamut tunngasumik pisortat paasissutissaataannik tamakkiisumik allakkatigut paasissutissinneqartarneq pillugu ministereqarfiit misissuiffiginiarlugit.
- Ombudsmandi oqarpoq suliani arlaqangaatsiartuni ilanngunneqannginnissaannut piumasaqaataasut naammassineqarsimasanngitsut, ministerimit suliarineqarsimanngimmat imaluunniit piumasaqaatit naammassineqarsimanngimmata.
Kalaallit Nunaanni danskit oqartussaaffii ullutsinni danskit inatsisaannut 1985-imeersumut ilaapput. Folketingip inatsisinik atuutsitsinermut ataatsimiititaliaata maannakkorpiaq nalilersorpaa inatsit nutaaq siunertamut malinnaasimanersoq.
