Danmark Ukrainelu timmisartortartunik ilinniartitsinissaq oqallisigigaat
Ukrainemiut timmmisartortartuisa ilinniartinneqarnissaat sungiusarneqarnissaallu pillugu oqallinneq aallartisarneqarpoq.
Illersornissamut ministeriugallartoq, Troels Lund Poulsen, Ukrainemut ippassaq ataasinngornermi tikeraarnermini taama oqarpoq.
Ukrainemiunik ersoqatiginninnerup takutinneqarnissaa, Troels Lund Poulsenip pingaartippaa.
Ukiup 2023-ip ingerlanerani Ukrainemut ikiuinermit allaanerusunik pisariaqartinneqartunik nalaataqartoqarsinnaasoq, Troel Lund Poulsen isumaqarpoq.
Akersuunnerit annertunerulersimanerat, taassuma oqaaseqarnermini tunngavilersuutigaa.
Ukrainemiut illersornissamut ministeriat Oleksij Reznikov peqatigalugu ippassaq ataasinngornermi tusagassiortunik katersortitsisoqarnerani Troel Lund Poulsen oqarpoq, Ukrainemiut timmisartunik sorsuutinik F-16-nik tunineqarnissaminnik kissaateqarnerat Danmarkip arajutsisimanngikkaa.
Ukrainemiut sutigut tamatigut Danmarkip tapersersorniarlugu isumaliutigigaa Troels Lund Poulsen oqarpoq, Danmarkili arlaannik Ukrainemut tunniussaqarniaruni nunat allamiut peqatigalugit tunniussaqarsinnaasoq illersornissamut ministeriugallartoq oqarpoq.
Timmisartunik sorsuutinik F-16-inik Ukrainemut tunniussinissaq itigartitsissutiginngikkitsik, Poulsen kingusinnerusukkut oqarpoq.
