Mette Frederiksen: Ukraine sakkussianik amerlanerusunik tunissuteqarfigineqartariaqarpoq
![](/sites/default/files/styles/image_934x467/public/article_images/20230209-103131-l-2829x1878ma.jpg?itok=oWpmbxTC)
Ukraine sakkussianik amerlanerusunik tunissuteqarfigineqartariaqarpoq. Ministeriuneq Mette Frederiksen, EU-mi naalakkersuinikkut siuttut Bruxellesimi ataatsimiinnerannut anngunnermi peqataasussaq oqarpoq.
- Ruslandip pillaatitut iliuuseqarfigineqarnerunissaa pisariaqartinneqarpoq, Ukrainelu sakkussianik ikiorserneqarnerusariaqarluni, soorlu Danmarkimit taamaaliuleruttortugut. Tamanna oqaloqatigiissutigineqartussatut tamanit pingaartinneqarpoq, Mette Frederiksen oqarpoq.
AAMMA ATUARUK NATO-p Danmark qamussuarnik sorsuutinik nassitsinissaanik kimigiiserfigerusunngikkaa
Ukrainep sakkussianik amerlanerusunik - timmisartunik malersuutinik pilersuisoqarnissaa taakkununnga ilaalluni - Ukrainep præsidentiata Volodymyr Zelenskyj-p, EU-p ataatsimeersuarneranut atatillugu aamma Bruxellesimiittup, sisamanngornermi oqaatigaa.
Danmark timmisartunik malersuutinik Ukrainemut tunissuteqarniarnersoq Mette Frederiksen aperineqarami ima ilaatigut akivoq:
- Tunissuteqariarluta suut ajornannginnersut suullu ajornarnersut oqaatigeriaannaanngilarput.
- Ukrainemiullu assigiinngitsorpassuarnik eqqartueqatigiippugut. Taakkuli sumut tunngasuunersut oqaatiginavianngilara.