Danmark Paul Watsonip tigummigallagaaneranut tunngatillugu Europa-parlamentimi isornartorsiorneqartoq

Avatangiisit pillugit suliaqartoq Paul Watson Japanimut tunniunnagu iperagaasariaqaraluartoq, politikererpaaluit EU-parlamentimi sisamanngornermi oqallinnermi oqaatigaat.

Allattoq Ritzau, Helle Nørrelund Sørensen

septembarip 20-at 2024 14:49

Nutserisoq Jokum Nielsen

Avatangiisit pillugit suliaqartoq Paul Watson Japanimut tunniunnagu iperagaassaaq.

EU-mi inatsisartuni ilaasortat arlallit sisamanngormat taama nalunaaruteqarput.

Danmarkip Kalaallit Nunaatalu Paul Watsonimik tigummigallagaanera pillugu oqallinnermi EU-mi parlamentimut ilaasortat saamerliuniat Canadami USA-milu innuttaassuseqartoq oqallinnermi illersuillutik oqaaseqartarput.

Saamerliunialli saniatigut Social-Demokaatit gruppianni ilaasortaqarluartumiittut Watsonimik illersuillutik aamma oqaaseqartarput.

Aamma atuarukPaul Watson Nuummi tigummigallarneqaannassasoq

Talerperliunianut ilaasut ilaat Alternative für Deutschland (AfD) Paul Watson avatangiisinut tunngatillugu peqqarniisaarniatut taavaat, tassanilu Osama Bin Ladenimut USA-mi 2001-imi septemberip aqqarngani saassussinermut aaqqissuussisumut assersuuppaat. Taamaattumik tunniunneqassasoq, AfD isumaqarpoq.

Paul Watsonip oktoberip aappaanut tigummigallagaagaanissaa maani eqqartuussiviup sivitsorpaa.

Watsonip Nuummi umiarsualivimmi juulip naanerani niummat, politiinit tigusarineqarpoq tigummigallagaalerlunilu.

Nutaarsiassami kukkunermik nassaarsimaguit uunga allaffigineqarsinnaavugut.