Christianiami hashisineq parnaarussaanermik kinguneqarsinnaasoq
Christianiami Pusher Streetimi ikiaroornartumik hashimik tuniniaasarneq unitsinnniarlugu Danmarkimi naalakkersuisut sakkortuumik iliuuseqarnialerput.
Sumiiffinni aalajangersimasuni Christiania ilanngullugu ikiaroornartunik tuniniaasut ikiaroornartuuteqartulluunniit marloriaammik pillarneqarsinnaalersinnaasut, inatsisinut atuutsitsinermut ministeri Peter Hummelgaard oqarpoq.
Sumiiffinni aalajangersimasuni unioqqutitsisoqarpat, soorlu siullermeersumik ikiaroornartumik hashimik tuniniaasoq hashiuteqartorluunniit naammattoorneqarpat, taanna annertuumik akiliisinneqarsinnaavoq, aappassaanik unioqqutitsoqarpat parnaarussaanermik kinguneqarsinnaalluni.
Christianiami Pusher Streetimi aggustip qaammataani aallaasersortoqarnerani toqutaasoqarnerata kingorna, danskit naalakkersuisui taama nalunaarput.
Christianiamiut hashseerniartoqartarneranik naammagiliilutik inerteqqutaalissasoq kissaatigaat.
Christianimiut politiinit oqartussaasuniillu ikiorneqarusupput. Danskit naalakkersuisuisa suliniutaat Christianiami tusagassiuutinut suleqatigiiffianni oqaaseqartartup Hulda Maderip iluarisimaarpaa.
Christianiami hashimik tuniniaasartut hashiuteqartullu sakkortunerusumik pineqaatissinneqartalerpata Christianiami hashimik pisisartut hashisiniartarnertik unitsissagaat, taanna isumaqarpoq.
