Christianiami aappassaanik unioqqutitsilluni hashisineq parnaarussaanermik kinguneqartalissasoq
Ikiaroornartunik tuniniaasut tigummiaqartulluunnit sumiiffinni aaliangersimasuniittut, taakkununnga ilaalluni Christiania, marloriaammik pillarneqarsinnaasariartut, Danmarkip inatsiseqarnermut ministeria Peter Hummelgaard tusagassiortunik katersortitsinermi oqarpoq.
Sumiiffinni aalajangersimasuni ikiaroornartunik tuniniaanngikkunik tigumiaqartut marloriaammik pillarneqarfigisinnaasaannik politiit atuutilersitsinnaanerat danskit naalakkersuisuisa periarfissinniaraat, Peter Hummelgaard oqarpoq.
Politiit amerlasuut piffissami sivikitsumi iliuuseqarnissaat, Peter Hammelgaardip aamma ilimasaarutigaa.
Aggustip qaammataani aallaasersorluni toqutsisoqarnerata kingorna naalakkersuisut taama nalunaaruteqarput.
Sumiiffinni aalajangersimasuni siullermeerluni assersuutigalugu ikiaroornartumik hashimik tuniniaanermi tigummiaqaraanniluunniit annertuumik akiliisitsisoqartassaaq, pinerluttuliorneq sumiiffinni aalajangersimasuni pippat.
Sumiiffinni aalajangersimasuni aappassanik unioqqutitsisoqarpat parnaarussaanermik kinguneqartassaaq.
Ikiaroornartup pilerigineqarnera annikillisinniarlugu pisisartut ilanngullugit annertuumik eqqorniarneqarmata.
Peter Hummelgaardip ilanngullugu oqaatigaa, Christianiamiittoq Pusher Street piffissami sivikitsuinnarmiunngitsoq ataavartumillu matuneqassasoq. Tamanna alloriarneruvoq siulleq, taanna oqarpoq.