Christianiami toqutsinermut pilersaarusioqataasimasutut pasisaq tigummigallagaaginnarallassasoq

Angut 18-inik ukiulik Christianiami sapaatit akunnerata naanerani aallaasersorsimasutut pasisaq Københavnimi suli tigummigallagaassaaq.

Eqqartuussisuuneqarfik Østre Landret aalajangertoq Københavnip Politiivi Ritzaumut paasissutissiipput.

18-inik ukiulik ulluni 25-ni Eqqartuussivimmi Frederiksbergimi sapaatiummat tigummigallagassanngortinneqarpoq.

Tigummigallagassanngortinneqartoq pinngitsuunerarpoq, tigummigallagassanngortinneqarninilu suliareqqitassanngortippaa.

Angutip 30-nik ukiulimmik toqutsinissaminut pilersaarusiorsimanini pasisaassutigaa, taannalu aallaasersortoqarnerani toquvoq.

Inuit sisamat aallaasersortoqarnerani ikilerneqarput.

Aallaasersorneq arfininngormat unnukkut arfineq pingasunut tanneq tallimanngortoq pivoq, Pinerlunniat kiinarpallit marluk Pusher Streetimi aaqqissuussamik Christianimi ikiarornartuerniartoqarnerata nalaani.

Taakku angutit marluk Stjerneskibetip eqqaani eqqaassimmata 30-nik ukiulik toquvoq.

18-inik ukiulik angutit marluk aallaasersortunut akuussangatinneqanngilaq, qimaanissaannulli pilersaarusioqataasutut pasineqarluni.

Toqutaasup pinerlunniaqatigiinneersuunera Københavnip Politiivisa ilimagaat.

Toqutsisoqarnissaa aggustip 24-aniit 26-at ilanngullugu pilersaarusiorneqarsimassasoq politiit oqaatigaat.