Christianiamiut inissiaatileqatigiiffiliornissartik aalajangeraat
Tamat iluaqutissaannut inissiaatileqatigiiffiliornissartik aalajangersimallugu, Christianiamiut ataasinngornermi unnukkut ataatsimeeqatigeereernermi nalunaarutigaat.
Ataatsimeeqatigiinnermut atatillugu oqaaseqartitaq Mette Prag, illoqarfiup ilaani sanaartugassanik pilersaarusiornermi inissiaatileqatigiiffiliorniarnermi suleqatigiissitameersoq taama oqarpoq:
- Christianiamut tunngatillugu aaqqiineruvoq tulluartoq, Christianiamiut naligiinnerulerniassapput. Innuttaasut tamat oqartussaaqataanerat aallaavigalugu aalajangeeqataasinnaassuseqalissapput, aamma ataatsimeeqatigiinnerni, Mette Prag oqarpoq.
Inissianik katillugit 15.000 kvadratmeterinik Christianiami 2031-p tungaanut inissialiortoqarnissaa, Christianiamiut naalagaaffillu 2022-mi aggustimi isumaqatigiissutigaat.
Christianiamiut taarsiullugu Christianiap nalaani nunaminertat ilaat naalagaaffimmit ilaatigut akikinaarlugu pisiarisinnaanngorpaat. Nunaminertaq naalagaaffimmit 67 millionit koruunilerlugu pisiarineqarpoq.