Christianiami aqqutip Pusher Streetip ujarattai piiarneqarput
![](/sites/default/files/styles/image_934x467/public/2024-04/20240406-122251-L-1920x1280we.jpg?h=83bc0830&itok=xKjuq_HI)
Københavnimi Christianiami aqqutip tusaamaneqarluartup taamaattorli aamma tusaamanerlunneqartup Pusher Streetip ujarattai piaarneqarlutik qallorneqarput.
Aqqummi tassani ujaqqat nunniuutit Christianiamiunit piaarneqarput arfininngornermi ullup qeqqata siorna. Aqqummi tassani ikiaroornartumik hashimik tuniniaaneq qitiusutut ilisimaneqarpoq.
Ujaqqat nunniuutit piaarneqarmata inuppassuarnit malinnaaffigineqarpoq, taakkununnga ilaapput Københavnip kommuniani overborgmesteri Sophie Hæstorp Andersen aamma inatsineqarnermut ministeri Peter Hummelgaard.
Ujaqqat nunniuutit piaarneqarlutik qallorneqarnerat nalunaaqutaq marlunut qiteqquttoq naammassineqarmat Christianiamut inuppassuit takkussimasut ersaattaapput.
Christiania pillugu erinarsuut ilisimaneqarluartoq " I kan ikke slå ihjel" taamaalinerani appisimaarneqarpoq.
Aqqummi Pusher Streetimi asfalti sioqqallu Christianimiunit sapaammi piiarneqassapput.
Aqqut Pusher Street nutaanik pilersitsivittut katersuuffiulernissaa pilersaarutaavoq.
Aqqutip Pusher Streetip matuneqarnissaa siorna aggustimi aalajangerneqarpoq, ukiuni kingullerni sakkortuunik arlalinnik pisoqarnerata ilaatigut aamma toqutsisoqarnerata kingorna.