Christianborgimut isertarfik pingaarneq akerliussutsimik takutitsisunit assersorneqartoq
![](/sites/default/files/styles/image_934x467/public/2024-06/20240619-082402-L-5616x3744ma.jpg?itok=Qcq71fpQ)
![](/sites/default/files/styles/image_934x467/public/2024-06/20240619-082450-L-5616x3744ma.jpg?itok=ko-oFpJV)
Christiansborgimi sulisut politikerillu isertarfik pingaarneq aqqusaarnagu allakkoorlutik ullaap tungaagut suliartortariaqarsimapput.
Palæstinamiut illersorlugit Christiansborgimut isertarfik pingaarneq ullaaq assersorneqalerpoq, arlallillu iseriartortarfiup tummeraani tupertorsimallutik.
Danmarkip nalunaaqutaa malillugu Folketingimit sms-ikkut ullaaq nalunaaqutaq arfineq-pingasunut taama nalunaaruteqarput.
Folketingimiit nalunaaquttap akunnera ataaseq qaangiummat kingumut sms-ikkut nalunaaruteqarput, akerliussutsimik takutitsineq unittoq.
Akerliussutsimik takutitsisut tummeqqani assersuisut qimagukkusunngimmata politiit akuliuttariaqarsimapput qimagussortinneqarlutillu.
Inuit attaveqatigiittarfianni X-imi allaaserisaq naapertorlugu Københavnimi Politiit inuit 25-it ”biilinik qimagutitippaat".
- Akerliussutsimik takutitsisut, Christiansborgimut iisertarfik pingaarneq assersornagu allamut nooqquneqarnertik tusaajumanngimmassuk taamaaliorpugut, politiit allapput.
Akerliussutsimik takutitsinissaq pisoq sioqqullugu inatsisit malillugit politiinut nalunaarutigineqarsimanngitsoq, Københavnimi politiit ilanngullugu nutaarsiassaqartitsivimmut Ritzau’imut nalunaarutigaat.