Cannabis Canadami aqagu pingasunngornermi inerteqqutaajunnaassaaq
Nunavummi 19-inik ukioqalereersimagaanni cannabisimik pujortartoqarsinnaalerlunilu tigummiaqartoqarsinnaalissaq.
Cannabis assersuutigalugu pisiniarfimmi pisiarineqarsinnaassannngilaq, internetili aqqutigalugu pisiarineqarsinnaassalluni, oqarasuaallu aqqutigalugu aamma pisiarineqarsinnaassalluni.
AAMMA ATUARUK Oqaaseq cannabis Nunavummi taarserneqartoq
Sumilu cannabisitortoqarsinnaanissaa pillugu inatsit aamma sukannersorujussuuvoq. Angerlarsimaffimmi tamanullu ammasumi cigaretsinik pujortarfiusinnaasuni pujortartoqarsinnaassalluni.
Meeqqalli orniguffigisinnaasaanni cannabisitortoqarsinnaassanngilaq, soorlu atuarfiit, timersortarfiit naatsiiviliarsuillu cannabisitorfioqqusaassanatik.
AAMMA ATUARUK Pisiniarfiit cannabisimik nioqquteqarsinnaasut 80-it Ontariomi ammarneqalersut
Cannabisi 30 gram tamat ornissinnaasaanni tigummiarneqarsinnaassaaq, angerlarsimaffimmilu aamma 30 gram pigineqarsinnaassalluni.
Cannabisip inerteqqutaajunnaarsinneqarnissaata innuttaasunut qanoq sunniuteqarnissaa, Nunavummiut pissanngatigaat.
AAMMA ATUARUK Canadami Cannabis ammaanneqarniartoq