Ritzau Nunanit allanit

Pisiniarfiit cannabisimik nioqquteqarsinnaasut 80-it Ontariomi ammarneqalersut

Canadami nunap immikkoortuata Ontariop, ikiaroornartup cannabisip naalagaaffiup aqutaanik nioqqutigineqarsinnaalersinniarpaa. Pisiniarfiit 80-it aappaagu 2018-imi aasaanerani ammarneqarnissaat pilersaarutaavoq.
Assi © : GoToVaN/Flickr Creative Commons
Allattoq Ritzau
septembarip 12-at 2017 10:56
Nutserisoq Mads Lynge

Ikiaroornartoq cannabis pisiariniaraanni 19-iliisimanissaq piumasaqaataavoq.

Ontario, Canadami nunap immikkoortuini siullersaavoq taama aalajangiisoq. Cannabisip inatsisit tunngavigalugit aappaagu 2018-imi nioqqutigineqalersinnaanissaa, Canadami naalakkersuisut aalajangerpaat.

Pisiniarfiit imigassanik aalakoornartulinnik nioqquteqarfiusunut assingusunik pisiniarfiit cannabisimik nioqquteqarsinnaasut Ontariomi ammarneqarniarput, cannabisili pisiniarfinni imigassaarniarfisuni tuniniarneqarsinnaassanngilaq.

Cannabisip nittartakkatigut tuniniarneqarsinnaanissaa, Ontariomi oqartussat aamma ammaassiffiginiarpaat.

Cannabisimit isertitat annertuallaannginnissaat, Ontario aningaasaqarnermut ministeriata ilimagaa, cannabisimilli nioqquteqarneq piffissap ingerlanerani annertusiartussasoq, taassuma siulittuutigaa.

/ritzau/Reuters

Aamma atuaruk

Ritzau

Gazami peqqinnissamik suliaqartut toqungasut timaannik 200-nik napparsimmavimmi nassaartut

Ritzau

EU-p nalunaarusiaa: Silapiluttarnerujussua ilaasortatsinnut 100 milliardit koruunit missaannik siorna naleqarpoq

Ritzau

Ukrainemut ikiorsiissutissat immikkuullarilluinnartut akuerineqarput