Canadami Cannabis ammaanneqarniartoq
Canadap cannabis inerteqqutaajunnaarsinniarpaa. Inuit 18-ileereersimasut cannabisimik 30 gramimik ukiup tulliani juuni aallarnerfigalugu tigummiarsinnaatitaalissapput.
Alternativt canadisk flag
Allattoq DR
apriilip 14-at 2017 17:34
Nutserisoq Sara K. Jakobsen
Canadami peqqissutsimut naalakkersuisoqarfik naapertorlugu inersimasut cannabisinik amerlanerpaamik sisamanik aamma naatitsisinnaalissapput.
18-ileereersimanngitsunulli cannabisimik pilersuisimagaanni sakkortuumik pillarneqarnissaq naatsorsuutigineqassasoq, peqqissutsimut ministeri oqarpoq:
- Inatsisissatut siunnersuutigineqartutut ukiut 14-it tikillugit parnaarussaanikkut sakkortuumik pillarneqartassapput, peqqissutsimut ministeri, Jane Philpott, oqarpoq.
AAMMA ATUARUK Aasianni innuttaasut hashi ernummatigigaat
Sumi Cannabisimik tuniniaasoqarsinnaalissanersoq, Canadami nunap immiikkoortuisa namminneq aalajangersinnaavaat, ukiullu killiliussat aamma qaffanneqarsinnaallutik.
AAMMA ATUARUK Ilulissani innuttaasut hashi akiorniarusuppaat
