Oqaaseq cannabis Nunavummi taarserneqartoq

Nunavummi cannabis, tassalu marihuana hashilu, Surrarnaqtuq-mik maannamit taaguuteqalissaaq.

Oqaaseq, sunniuteqartartumik isumaqartoq, Nunavup oqaatsit pillugit ataatsimiititaliaata oqaatsip cannabisip Surrarnaqtuq-mik taarserneqarnissaa sivisuumik oqallisereerluni aalajangerpaa.

AAMMA ATUARUK Pisiniarfiit cannabisimik nioqquteqarsinnaasut 80-it Ontariomi ammarneqalersut

Ikiaroornartup atorneqarnerani sunniutit tamaasa nassuiarmagit, inuktitullu oqaluttut qanorluunniit sumiorpaluuteqaraluarunik paasisinnaammassuk, oqaaseq taanna toqqarneqarsimasoq, oqaatsit pillugit ataatsimiititaliap pisortaa, Jeela Palluq-Cloutier, Toronto Starimut oqarpoq.

Nunavummili naalakkersuisuinut siuluttaasuusimasoq canabisimut taaguutitaamut isornartorsiuisunut ilaavoq. Oqaatsimimi Surrarnaqtuq-mi sunniutaasinnaasartorpassuit pineqarsinnaammata oqaaseq taanna toqqarneqarsimasoq Eva Aariak Toronto Starimut oqarpoq.

AAMMA ATUARUK Haship Canadami ammaanneqarnissaa akuersissutigineqartoq

Cannabisip inerteqqutaajunnaarnissaanut inatsit, inatsit C-65-imik taaneqartartoq, qanittukkut akuersissutigineqarpoq, oktobarillu ulluisa 17-ianni atuutilissalluni.

Aamma ikiaroornartup qanittukkut inerteqqutaajunnaartussap tuniniarneqarnissaanut sinaakkutissanut inatsit Nunavummi akuersissutigineqareerpoq.