Canadap inuisa 20.000-t missaat orpippassuit ikuallannerini qimagussorneqartariaqartut
Canadap avannarpasissuani illoqarfimmi Yellowknifemi innuttaasut tamaani orpippassuit ikuallannerat pissutigalugu najukkaminnit qimagussorneqarnissaat oqartussat naalakkiutigaat. Orpippassuit ikuallannerat Yellowknifemut saaatit-akunnerata naanerani anngussinnaasut oqaatigineqarpoq.
Canadami orpippassuit tamaani sumiiffinni 1000-nit amerlanerusuni maanna ikuallapput.
- Pissutsit ajoraluartumik ajorneruleriartorput, orpippassuit Yellowknifemiit kimmut ikuallannerat ajorsiartuinnarput illoqarfimmullu ulorianarsiartorlutik, Shane Thompson, Canadami nunap immikkoortuani Northwest Territoriesimi avatangiisinut ministeri oqarpoq.
Yellowknifemi innuttaasut 20.000-t tallimanngorpat ulloqeqqartinnagu qimagussimanissaat naalakkiutigineqarpoq.
Anorlernera pissutaalluni ikuallannera siaruaatipallappoq, najugaqarfiillu amerlasuut Canadami nunap inoqqaavinik amerlasuunik innuttaqartut najukkaminnit qimagussorneqartariaqarsimallutik.