Canadap inoqqaavisa arnartaasa naartusinnaajunnaartitaasimanertik oqaluttuarigaat
Canadami nunap inoqqaavisa arnartaaat suli naartusinnaajunnaartitaasarput.
Nakorsat, pisinnaatitaaffinnik ílungersuuteqartut politikerillu taama oqaluttuartut, nutaarsiassaqartitsivik AP allappoq.
Canadami pissutsit nunarsuarmi atugarissaarfiusuni pissutsinit allaanerupput, Canadamimi nunap inoqqaavisa arnartaat ukiuni qulikkuutaarpaalunni kingullerni naartusinnaajunnaartitaasarmata.
Periutsit avaanngunartut siornatigut atorneqartut suli ullumikkut atorneqartut, Canadami senatip siorna nalunaarusiaani inerniliunneqarpoq.
Arnat qassit piffissap ingerlanerani naartusinnaajunnaartinneqarsimanersut erseqqissumik kisitsisaatigineqanngillat. Naartusinnaajunnaartinneqarsimasunik nalunaaruteqartoqartarneranik tusarajullutik, immikkut ilisimasallit oqarput.
Senatimi ilaasortap, Yvonne Boyerip, allaffiani paasissutissat pissarsiarineqarsinnaasut ikittuinnaat katersorneqarput. Taassumami kisitsisit pissarsiarisimasai naapertorlugit arnat ikinnerpaamik 12.000-it 1970-miilli naartusinnaajunnaartinneqarsimapput.
