Canadamioq ataaseq Kinamit tigummineqartoq iperagaavoq
Canadamiut pingasut Kinamit tigummineqarput, tamanna pivoq Canadap Huaweimi pisortaq Meng Wanzhou decembarip aallaqqaataani tigusarimmagu. Maannakkulli tigummineqartoq Canadamiu ataaseq iperagaavoq.
Allattoq Ritzau
decembarip 30-at 2018 12:44
Kinami oqartussat nutaarsiassaqartitsivimmut AP-mut tallimanngormat taama nalunaaruteqarput.
Iperagaasoq tassaavoq ilinniartitsisoq canadameersoq Sarah McIver, taanna Kinami unioqqutitsilluni sulisimasutut pasineqarluni decemberimi tigummigallarneqaraluarpoq.
Canadap tigummineqartut iperagaanissaat noqqaassutigimmagu Kina akuersinngilaq.
AAMMA ATUARUK Canadamiut marluk Kiinamit tigummineqartut
Kinap tigusarinninnerit pisortamut Meng Wanzhou-mut atassuteqartinnginnerarpai.
Naak Canadap nunanut allanut ministeriata Chrystia Freelandip tigusarinninnerit Meng Wanzhou-mut atassuteqartikkai.
Chrystia Freelandip tigusarinninnerit aarleqqutigigai, nutaarsiassaqartitsiviup dpa-p nalunaarutigaa.
