Canadami nunat inoqqaavi akiuussusersorneqarluartut

Canadami Inuit First Nationillu amerlanerpaat maanna coronavirusimut akiuussuserneqarsimalerput.
Canadami inuit First Nationillu 76 procentii Covid-19-imut akiuussuserneqarsimasut, canadami nunat inoqqaavisa ministeriat Marc Miller tusagassiortunik katersortitsinermini oqaatigaa. Assi © : KNR / Malik Brøns
Allattoq Marianne Stenbæk, Montreal, Canada
maajip 23-at 2021 11:57

Canadami inuit First Nationillu 76 procentii Covid-19-imut akiuussuserneqarsimasut, canadami nunat inoqqaavisa ministeriat Marc Miller tusagassiortunik katersortitsinermini oqaatigaa.

AAMMA ATUARUK Canadami Inuit kissaatiginngisaminnik kinguaassiorsinnaajunnaarsitaasimappat?

Taakku canadami nunani akiuussuserneqarnisamasuni amerlanerpaajupput. Inuit First Nationillu nunaanni coronap tuniluutipiloorsinnaanera ilimanaateqarlunilu aarleqqutigineqarmat piaartumik akiuussusersuisoqarnissaa sukannersumik piumasarineqarpoq.

Taamaammallu sakkutuut arlallit akiuussusersuiartorput. Inuit First Nationillu Montreolimi Torontomilu najugaqartut aamma akiuussuserneqarlutik.

Akiuussusersuinerlu pilersaarut malillugu ajunngitsumik ingerlalluarpoq.

Meeqqat aqqaneq marluk tikillugit ukiullit aamma akiuussusersorneqarnissaat ukkatarineqarsinnaanngulersoq, Marc Millerip oqaatigaa.

Inuit Nationillu akiuussusersorneqarsinnaasut amerlanerpaat naalagaaffiup anguniarniarpaa.

 

 

Aamma atuaruk