Canadami naggueqatitta peqatigiiffiat nutaamik siulittaasortaarpoq
ITK'p ukiumoortumik ataatsimiinnera Cambrigdge Bay-iuisimasumi, Iqatuktuuttiq-mi ingerlanneqarpoq.
Siulittaasunngortoq Natan Obed 39-nik ukioqartoq qinigassanngortittuni pingasuusuni inuusunnersaavoq.
Nunatsivumiittumi Nainimeersuuvoq, qinigaanerminullu atasumik oqaaseqarami suliniutissamisut imminut toquttarneq pinaveersaartinniarlugu oqaatigaa, ilinniartitaanerup ingerlanissaa kiisalu Inuktitut oqalunnerup pitsaanerusumik annertunerusumillu atorneqarnissaa sulissutigerusullugu.
Aamma atuaruk Canadami issittumi ilisimatusarfimmik pilersitsinissaq amigaatigineqartuarsinnartoq
Natan Obedili isornartorsiorneqarsimavoq nammineq Inuktitut oqallorippallaannginnami.
Siulittaasunngortoq ilanngullugu oqarpoq canadami naalakkersuisut sulinerannut Inuit annertunerusumik akuutinneqartariaqartut; aalajangigassanut naggueqatigiinnut Inunnut tunngasutigut tamatigut sunniuteqartarniassagamik.
Natan Obed niuvernermut tunngasutigut misilittagaqartuuvoq, taamaalillunilu isumaginninnermut/aningaasatigullu aqutsinermi Inuit Tapiriinni Nunavut Tunngavimmilu sulineq misilittagaqarfigalugu, Nunavut Tunngavimmi isumaginninnermut sulianilu kulturimut tunngasuni suliaqarsimalluni.
Aamma atuaruk Terry Audla nalunaarusiaq pillugu: Neriorsuutit siunissami eqquutsinneqartassapput
