Assi: Inuit Tapiriit Kanatami

Canada: Aningaasanut inatsisissaq naggueqatitsinnut tusarniaassutigigaat

Canadami naalakkersuisut aningaasanut inatsisissaannut marsimi akuersissutigineqartussamut piareersaateqartoqarneranut atatillugu aningaasaqarnermut ataatsimiititaliaq tusarniaammat ilaatigut Inuit Tapiriit Kanatami tusarniaaffigineqarput.

Inuit Tapiriit Kanatamimi siulittaasoq Natan Obed naalakkersuisunut pingasunik kaammattuuteqarpoq:

Siullertut Inuit, métisit indianerillu assigiinngissuteqarnerat naalakkersuisunit paasineqartariaqalersoraa. Nunap inoqqaavi immikkoortut pingasut, assigiissuteqaraluarlutik assigiinngitsorpassuarnik pisariaqartitaqarput.

Aamma atuaruk Canadami naggueqatitta peqatigiiffiat nutaamik siulittaasortaarpoq

Aammattaaq naggueqatigiit inuit illoqarfiisa nunaqarfiisalu akornanni atortulersuutitigut pisariaqartitsisoqarnera immikkut sammivaa. Inoqarfiit amerlanersaat imaanut qanittumiipput umiarsualiviilli amigaatigineqarlutik.

Canadap avannaani dieselgeneratorit mingutsitsisupilussuit nukissiuutitut atorunnaarlugit nukissiuutinik nutaanik atuisoqalernissaa aamma kissaatigaa.

Natan Obedip aamma naalakkersuisunut kaammattuutigaa illoqarfinni nunaqarfinnilu avannarpasinnerusuni nalunaarasuartaatitigut attaveqaatit pitsanngorsaavigineqartariaqartut, pingaartumik internetti eqqarsaatigalugu, taanna ullutsinni pisariaqartitanut naleqqiullugu kigaappallaaqimmat.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat