Brexitip kingunerisassai tamarmik piareersimaffigineqassasut
![](/sites/default/files/styles/image_934x467/public/article_images/27198828090_ea4da12c71_o.png?itok=pU1TD_3U)
EU-mi qullersat Bruxellesimi tallimanngornermi ataatsimeersuareernermi taama nalunaaruteqarput.
EU-mit aniniarnermi isumaqatigiinniarnerup ”kingunerisassai tamarmik” nunanit ilaasortaasunit, EU-p suliffeqarfiinit soqutigisaqaqatigiiffinniillu piareersarfigineqarnera annertusineqartariaqartoq EU-mi qullersat kaammattuutigigaat, ataatsimeersuarnermi inerniliussami allassimavoq.
Tuluit EU-mit aniniarneranut isumaqatigiinniarnermi, EU-p Tuluit Nunaatalu akornanni isumaqatigiissuteqanngitsoortoqarsinnaanera EU-mi qullersat aatsaat siullermeerlutik aarlerisaarutigaat.
Isumaqatigiinniarnerit marsimi ataatsimeersuartoqarneraniilli iluamik nikeriarsimannginnerat EU-p ernumassutigimmagu taama aarlerisaaruteqartoqarpoq.
/ritzau/