Boris Johnson napparsimmavimmit angerlartinneqarpoq

Tuluit ministeriunerat, 55-inik ukiulik Boris Johnson, illoqarfiit pingaarnersaanni Londonimi napparsimmavimmi uninngareerluni ullumi angerlartinneqarpoq.

Boris Johnsonip allattoqarfia taama nalunaaruteqarpoq.

Johnson coronavirusimik qanittukkut tunillanneqarpoq, maannalu tassa peqqissilluni.

AAMMA ATUARUK Boris Johnson coronamik tunillatsissimasoq peruluttut uninngavianiilersoq

Ministeriunertulli suli sulinngiffeqarallassasoq aamma nalunaarutigineqarpoq.

- Nakorsat siunnersuinerat aallaaviglugu ministeriuneq ingerlaannaq sulilissanngilaq. St. Thomas' Hospitalimi katsorsartinnermini sulisut qutsavigai, oqaaseqartitaq oqarpoq.

Coronavirusimik tunillatsissimalluni peruluttut inaanni uninnganermini ajornerusumik pisoqarsimasinnaagunaraluartoq, Boris Johnsonip nammineq oqaatigaa,

Inuunerali nakorsanit annaanneqartoq oqaatigaa:

AAMMA ATUARUK Boris Johnson peruluttut inaanniikkunnaarpoq

- Qanorluunniit oqassanerlunga naluara, qutsavigerusuppakkali, Johnson Twitterikkut taama ilaatigut allappoq.

Tuluit Nunaat coronavirusimik eqqorneqangaatsiarpoq.

Inuit 10.000-ingajaat nualluummit toqquteqarsimapput. USA-mi, Italiami, Spaniami Frankrigimilu taamaallaat amerlanerupput.

/ritzau/Reuters