Boris Johnson coronamik tunillatsissimasoq peruluttut uninngavianiilersoq
BBC naapertorlugu Downing Street taama paasissutissiivoq.
Tuluit ministeriunerata allaffeqarfia, Downing Street ataasinngornermi tv-qarfikkut BBC-kkut taama paasissutissiiivoq.
- Ministeriuneq ualip ingerlanerani peqqiinnerulerpoq. Nakorsaasalu siunnersuinerata kingunerisaanik napparsimmaviup peruluttunut uninngavianut nuutsinneqarpoq, Downing Street nalunaaruteqarpoq.
AAMMA ATUARUK Coronavirus sender Boris Johnson på hospitalet
Tuluit nunanut allanut tunngasunut ministeriat, Dominic Raab ministeriunerup atuuffiani paarlattaavoq, taannalu Johnsonip napparsimmavimmi uninnganera tamaat paarlattaassalluni.
Johnson coronavirusimik tunillatsissimasoq ullut qulit matuma siorna paasineqarpoq. Johnson sakkukitsunik ersiuteqartoq sulisuisa piffissami tassani paasissutissiissutigaat.
Boris Johnson Londonimi napparsimmavimmut, St. Thomasimut sapaatiummat unitsinneqarpoq, nakorsaasalu maanna peruluttut uninngavianut nuutsippaat.
AAMMA ATUARUK Boris Johnson coronavirusimik tunillatsissimasoq
Tuluit Nunaata ministeriunerata allaffeqarfiata, Downing Streetip ministeriuneq tassanngaannartumik unitsinneqanngitsoq sapaammi oqaatigaat. Ministeriunerullu misissorneqarnissaa pissutigalugu unitsinneqarnissaa pitsaanerpaasoq nakorsaata aalajangersimagaa oqaatigalugu.