Boris Johnson peruluttut inaanniikkunnaarpoq
Tuluit Nunaanni ministeriuneq Boris Johnson peruluttut inaanniikkunnaartoq nalunaarutigineqarpoq.
Allattoq Ritzau
Nutserisoq Mads Lynge
Boris Johnson napparsimmavimmut sapaatiummat unitsinneqarpoq, peruluttullu inaannut ataasinngormat nuunneqarluni. Napparsimmavimmili suli uninngavoq. Nutaarsiassaqartitsivik Reuters taama allaaserisaqarpoq.
Ministeriuneq isumalluartoq nalunaarutigineqarpoq:
- Ministeriuneq peruluttut inaanniikkunnaarluni napparsimasut inaannut nuunneqarpoq, peqqissiartorneranilu tassani nakkutigilluarneqarumaarpoq, oqaaseqartitat ilaat Reutersimut oqarpoq.