Nanortalimmi Borgmesteriusimasoq toqusoq
Tage Frederiksen, Nanortallip Kommunerisimasaani borgmesteriusimasoq, toqukkut qimaguppoq.
Allattoq Jens Thorin
Borgmesteriusimasoq politikommissæriusimasorlu, Tage Frederiksen, toqukkut ullaaq manna qimaguppoq.
Ernera, Jens B. Frederiksen, Facebookimi taama allappoq.
Tage Frederiksen politiitut 1970-imi ilinniagaqarpoq, nunatsinnilu sumiiffinni assigiingitsuni tamatuma kingorna politikommissæritut politeqarfimmilu ittutut atorfeqarsimalluni.
Nanortallip Kommunerisimasaani piffissami 1975-miit 1984-imut borgmesteriuvoq. Taamani 30-inik ukioqarluni nunatsinni borgmesterini inuusunnerpaavoq.
Tage Frederiksen 74-inik ukioqalerpoq.