Politikki

Borgmesterit pingasut tusagassiortunik katersortitsilersut

Nunatsinni borgmesterit Siumumeersut "Naligiimmik siunissaqarneq" qulequtaralugu tusagassiortunik katersortitsiniarlutik illoqarfiit pingaarnersaannut Nuummut ullumi tikissapput.

Allattoq Karsten Sommer

februaarip 16-at 2016 07:31

Nutserisoq Simon Uldum -

Qaasuitsup Kommuniani, Qeqqata Kommuniani aamma Kommune Kujallermi borgmesterit nalunaarusiaq aaqqissuussaanerup aaqqissuuteqqinneqarnissaata tamakkiisumik atuutilersinneqarnissaanik oqariartuutitaqartoq saqqummiutissavaat.

Aammattaaq - Danmarkimi Venstrep naalakkersuisuutitaata maanna sulissutigisaannut assingusoq saqqummiutissavaat - tassalu pisortat suliffeqarfiutaasa illoqarfiit pingaarnersaannit nunap immikkoortuinut siammarneqarnissaat sulissutigineqassasoq.

Tusagassiortunik katersortitsineq Nuummi Hotel Hans Egedemi ullumi nalunaaqutaq 10.30 aallartissaaq.

Aamma atuaruk IA: Kommunit kattussuunnerisigut naligiinnerulertoqanngilaq

Borgmesterit tusagassiortunik katersortitsinerat Inuit Ataqatigiit kommunit 18-iusut sisamanngorlugit kattussuunneqarnerisa inuiaqatigiinni naligiinnginnerulersitsisimaneranik nalunaaruteqarnera nalerorlugu pissaaq.

Naalakkersuisut kommunit sisamaasut suleqatigalugit Nunatsinni naligiinnerulernissamik sulissuteqaqqullugit peqquneqarnissaannik Inuit Ataqatigiit Inatsisartut upernaakkut ataatsimiinnissaannut siunnersuuteqassamaarput.