Borgmesterit marluk sassaqqinnissaat qularnanngilaq

- Qineqqusaaqqinniarlunga oqaatigisinnaavara. Atera apriilip sisamaani qineqqusaartut akornanni takuneqarsinnaassaaq, Asii Chemnitz Narup taama KNR-imut oqarpoq.

Aamma Kommune Kujallermi borgmesterip, Jørgen Wæver Johansenip, qinerneqqusaaqqinnissani naatsorsuutigaa.

- Kommunimut qineqqusaarnissami qineqqusaaqqinnissara naatsorsuutigaara, Jørgen Wæver Johansen taama oqarpoq.

Kommuneqarfik Sermersuumi suliniutinik arlalinnik aallartitsisoqarsimasoq, qinigaaqqissagunilu suliaminik nangitsinissalluni, Asii Chemnitz Narupip oqaatigaa.

- Inoqarfinnut ataasiakkaanut ineriartortitsinissamut tunngassutillit suliassat peqataaffigeqqissallugit qilanaarigakkit,

Kommuneqarfik Sermersuup kommunalbestyrelsiani suleqatigiilluartoqartoq, taamaattoqaannarnissaanillu sulissuteqarusulluni Narupip aamma oqaatigaa.

Aamma Kommune Kujalleq angusaqarluarfiusimasoq, angusallu aallaavigalugit qineqqusaaqqinniarluni Jørgen Wæver Johansenip oqaatigaa. 

Kommunit suleqatigiillutik assigiinnerusumik periarfissaqarnissaannut suliaq alloriarfiusimasoq, Johansenip oqaatigaa.

- Suliallu taakku ingerlateqqinneqarnisaannut sukataaqataassallunga naatsorsuutigaara, Kommune Kujallermi borgmesteri, Jørgen Wæver Johansen tamma oqarpoq.

Qeqqata Kommuniani borgmesterip, Hermann Berthelsenip, qineqqusaaqqinniarnani nalunaarutigereerpaa, Qaasuitsup Kommunianilu borgmesterip, Ole Dorphip, Siumumit qineqqusaartinneqarniartut aatsaat aalajangerneqareerpata qineqqusaaqqissanerluni oqaatigerusuppaa.