- Taakkua Danmarkiminngaanniit tikittartut inuit aamma assigiinngitsorpassuugamik soorlu takusinnaagiga qaamarsaanissaq karantæne qanoq isumaqarnersoq illoqutigiinnut aammalu taanna qanoq atugassaanersoq immikkut soorlu paasissutisseeqqinnissamik pisariaqartitsisoqartoq, borgmesteri oqarpoq.Assi: Qeqertalik Kommunia

Borgmesterip angerlarsimaannarnissaq pillugu qaammarsaasoqarnissaa kissaatigigaa

Kommune Qeqertaliup borgmesteriata, Ane Hansenip (IA) angerlarsimaannartarnissamut malittarisassat sukannersikkusuppai. Tunillatsissimasup Aasianniittup malittarisassat malissimanngilai.

Covid-19-imik tunillatsissimasoq Aasianniippoq. Taanna nunatsinnut tikinnermi kingornatigut ullut tallimat qaangiuttut misissorteqqinnikkut tunillatsissimasoq paasineqarpoq. Tamatuma kingorna nakorsaaneq politiillu tunillatsissimasup qanillisimasaanik inuttassarsiniarlutik ulapputilerput. Tunillatsissimasormi angerlarsimaannartussaanermini pulaartoqarsimammat tamanna pisariaqarpoq.

Pisoq pissutigalugu, Kommune Qeqertaliup borgmesteriata, Ane Hansenip angerlarsimaannarnissamut malittarisassat sukannernerusut kissaatigai.

Borgmesterimmi tunillatsissimasup ilaqutaa suleqatigigamiuk nammineq aamma angerlarsimaannartussanngortinneqarpoq. Maannakkulli angerlarsimaannartussaajunnaareerpoq.

AAMMA ATUARUK Aasiannut sukannersumik suli ukkatarinninneq: 15-it tunillatsissimasinnaasut

- Takusinnaagatsigu nunatta iluani aamma angallannermut sukaterisariaqartugut. Soorlu karantæne eqqarsaatigalugu aamma qanigisariit eqqarsaatigalugit aallaqqusaannginnissamut aamma tunngasumik erseqqissaasoqartariaqartoq. 

Aasianniit illoqarfinnut allanut sunniuteqartoq

Tunillatsissimasup corona pillugu malittarisassat malissimanngikkai tunillatsissimanerata paasineqarnerata kingorna paasineqarpoq. Tunillatsissimasormi angerlarsimaannartussaanermini misissorteqqinnermilu akissutersinnginnerani pulaartoqarsimavoq.

Taamaammat tunillatsissimasup inuit allat tunillassimasinnaavai.

Misissorteqqittup tunillatsissimanerata paasineqarnerani tunillassimasinnaasai Aasianni, Nuummi Sisimiunilu angerlarsimaannartussanngortinneqarput.

Siullermik Nuummi, Inatsisartuni Aningaasaqarnermut ataatsimiititaliami ilaasortat Aasianni tunillatsissimasumut pulaarsimasumik ataatsimeeqateqarsimanerat pissutigalugu angerlarsimaannartussanngortinneqarput. Ataatsimeeqatigisimasaatali tunillatsissimannginnera uppernarsarneqareersorli angerlarsimaannartussaajunnaarsinneqarput.

AAMMA ATUARUK Coronamik tunillatsissimasoq Aasianniittoq: Sisimiuni atuartut 80-it angerlartinneqartut

Sisimiuni KTI-mi atuartut 80-it tallimanngornermi angerlarsimaannartussanngortinneqarput, matumani atuartunit ataaseq tunillatsissimasumut Aasianniittumut qanittumik attaveqarsimanera pissutaavoq. Atuartut maanna ataasinngornermi atuariartoqqissimalerput, atuartorli ataaseq tunillatsissimasumut Aasianniittumut qanillisimasoq aatsaat misissortereerluni tunillatsissimanngitsoq paasineqarpat atuariartorsinnaalissasoq, forstanderi oqarpoq.

Aasianni inuit 15-it tunillatsissimasumut qanillisimapput. Taakku misissortinnerisa tunillatsissimannginnermik takutitsinissaannut angerlarsimaannarallassapput.

Tunillatsissimasunilli allanik qujanartumik maannamut suli uppernarsaasoqanngilaq.

Borgmesteri: Illoqutigiit allat aamma angerlarsimaannartariaqarput

Ane Hansenip nunatsinnut tikinnermi angerlarsimaannarnissamut malittarisassat sukannernerusariaqarsorai.

Danmarkimit tikittup angerlarsimaannarnissaani illoqutigiit sinnerini angerlarsimaannartoqarnissaanut piumasaqaateqartoqanngilaq. Taamaattoqartariaqartorli, borgmesteri isumaqarpoq.

- Tassa qisuariarpunga allaffigivakka kaammattuutigalugu sukaterisoqassasoq massakkut taama Europami tuniluunneq annertutigisoq.

Ane Hansenip oqartussat malittarisassanut atatillugu paasissutissaatai amigarsorai. Taamaammat nakorsaaneqarfiup kikkut tamarmik eqqarsaatiginnilluarsinnaalernissaat pillugu qaammarsaanissaa kaammattuutigaa.

AAMMA ATUARUK Tunillatsissimasumut Aasianniittumut ilaqutaasoq tunillatsissimanngitsoq

- Taakkua Danmarkiminngaanniit tikittartut inuit aamma assigiinngitsorpassuugamik soorlu takusinnaagiga qaamarsaanissaq karantæne qanoq isumaqarnersoq illoqutigiinnut aammalu taanna qanoq atugassaanersoq immikkut soorlu paasissutisseeqqinnissamik pisariaqartitsisoqartoq, borgmesteri oqarpoq.

Taanna nammineq kommunerisamini aamma qisuariaateqarpoq. Borgmesterip Aasianni innuttaasut kaffillernissamik utaqqissussinissaannik kaammattuuteqarfigai.

- Aasianniittut tamarmik sapaatip akunnerini tulliuttuni mianersornissaminnik innersuunneqarput aamma tunillaassuiffiusunut ingalassimassasut siunnersorneqarlutik. Illoqarfimmi suli tunillatsisimasoqarsinnaavoq. Kikkut tamaasa qanillinaveersaarsigit aamma assamiinaveersaaritsi imaluunniit "eqitaarinaveersaaritsi".

Nuannannissamut, ataatsimoornissamut, kaffisortitsinissamut

allatulluunniit aaqqissuussinissamut piffissaanngilaq, taakkunanimi inuit allat

ataatsimooqatigineqartarput. Pisiniarfinni allanilu naapiffigisartakkassinni immissinnut

qanillinaveersaaritsi.

Aasianni utoqqaat illuanut napparsimmavimmullu pulaarnissaq aamma periarfissaanngilaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat