Assi: Benjamin van Waart/Flickr Creative Commons

Boeingip kaaviiaartitai appariapiloortut

Timmisartuliortartup Boeingip timmisartuni 737 MAX-inik ajornartorsiuteqaqattaarnera ukiup sisamarterutaani aatsaat taama annaasaqaatigitigaa.

Ajornartorsiutaasut tulleriillutik takkupput, tassalu timmisartut taamaattut marluk ukioq manna nakkarnerannik kinguneqarluni, tamannalu timmisartut nunarsuatsinni sumiiffinni amerlanerpaani timmeqqusaajunnaassutigaat.

Taamaammat kaaviiaartitat appariapiloorput, ukiullu sisamararterutaata aappaani tassa apriilimi, maajimi juunimilu ilanngaatissat ilanngaatigereerlugit 2,9 milliardit dollarinik tassa 20 milliardit koruuninik annaasaqarfiuvoq.

Timmisartut marluk tassalu ataasiaq Indonisiami oktobarimi 2018-imi aappaatalu Etiopiami martsimi nakkarnerat 737 MAX-imik timmisartornissat tamarmik unitsinneqarnerannik kinguneqarpoq. Timmisartut marluk nakkarneranni ilaasut tamarmik ajunaarput.

Timmisartut timminerup aallartilaarnerani ammukajaaq timmisoqalersitsisumik softwarekkut kukkusumik inissiisoqartarnera nakkarnerannut pissutaatinneqarpoq

Boingip ajornartorsiutaasoq aaqqinniarsaraa, timmisartulli qaqugu atuleqqissinnaassanersut oqaatigisinnaanngilaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat