Boeing 737 Max 8-mik timmisartuussisarnerit Europa tamakkerlugu unitsinneqarallartut
Boeing 737 Max 8-mik timmisartuussisinnaajunnaarsitsineq marlunngornermi unnukkut atuuttussaalersinneqarpoq.
Etiopiamiut timmisartuutileqatigiiffiata timmisartuutaa Boeing 737 Max 8 157-inik ilaasoqarluni sapaammi nakkareersorlu timmisartup assingi timmisartuussisinnaajunnaarsinneqarput.
Boeingip timmisartuutaa taamaattoq qaammatialunnguit matuma siornatigut aamma nakkarpoq.
AAMMA ATUARUK Timmisartut Boeing 737 MAX 8-t Norwegianip tuluillu atorunnaarallaraat
Timmisartup Etiopiami nakkarneranut suna pissutaasimasinnaanersoq maannangaaq inerniliunneqarsinnaanngitsoq, Easap allaaseraa. Boeing 737 Max 8-mik timmisartuussisinnaajunnaarsitsinerit isumannaallisaaniarnertut isigineqassasoq Easa oqarpoq.
Boeingip timmisartut taamaattut 350-it timmisartuutileqatigiiffinnut assigiinngitsunut tunisassiarisimavai, timmisartulli taamaattut 5111-t inniminnerneqarsimasut nalunaarutigineqarpoq.
Icelandair Norwegianilu Boeingip timmisartuutaanik taamaattunik atuisunut ilaapput, taakkulu timisartuussisinnaajunnaarsitsinermi eqqorneqartunut ilaallutik.
/ritzau/