Qaqortoq Blok J 25-nik inissiartaqartoq inuerutsinneqartussanngorpoq

- Soorunami ilungersunartorujussuartut una suliaq ingerlapparput aallaqqaataaninngaaniilli.

Inissiarsuarmi najugaqartut tamarmik nuutsinneqassapput.

- Ikuallattoorneq ajoraluartumik pisoq taanna tunngavigalugu aalajangiunneqarpoq atorunnaarallassasoq taamak isikoqartillugu. Taavalu ineqartut allanut neqeroorfigineqassasut.

Ikuallattoqalissagaluarpat inissiarsuup majuartarfeqarfiini aniffissat marluusariaqarnerannik malitassaqarnera pissutaalluni Blok J inuerutsinneqassaaq.

-Qatserinermut aqutsisoqarfiup (Brandmyndighed) aalajangernera malillugu najugaqarfigineqarsinnaajunnaarpoq. Tassa uani torsuusat (Svalegangit eqqarsaatigalugit 25 meterit iluanni qimaaffissat marluk piareeqasussaammata. Tamannalu uani massakkut piviusunngorsinnaangilaq.

AAMMA ATUARUK Nalaatsinerlussimanermit ikiorneqarnissamut neqeroorfigineqartut

Inissiarsuarmi inissiat 25-upput. Ikuallattoqareersoq ilaqutariit arfineq marluk, katillugit inuit 18-it inissiani pisatsersoriikkani najugaqartinneqarallarput.

- Tassa uagut pisussaaffigaarput sukkanerpaamik aamma assinganik inissinneqarnissaat anguniarneqassasoq. Inissaaleqiffioqaaq manna Qaqortoq. Kisianni qaavatigut ulapaarpugut taakkua inissiat qulakkeerniarsaralugit.

Inissiarsuit sanileriit sisamat Namminersorlutik oqartussaniit pigineqartut nutartigassanut ilaammata piffissami aggersumi qanoq pineqassanersut suli nalunarallarpoq.

- Namminersorlutik oqartussani LHS-ip ingerlatarisarpaa. Taavalu taakkua pilersaarutit malillugit, tassanilu sanæringsplan-imik taaneqartartoq naapertorlugu pilersaarutinut ilaapput. Taanna apeqqutaaginnarpoq qaqugu timitalerneqassanersoq. Taanna uanga iserfigisinnaangilara.

AAMMA ATUARUK Qaqortumi ikuallattoqarnerani ilaqutariippassuit qimagutitinneqartut