Qaqortumi ikuallanneq: Nalaatsinerlussimanermit ikiorneqarnissamut neqeroorfigineqartut
Inersimsut 16-it meeqqallu pingasut Qaqortumi inissiami blok J-mi najugaqartut annertuumik ikuallattoqarneranit eqqugaapput.
Qaqortumi inissiarsuarmi ikuallarujussuartoqarnerani najugaqartut 19-it eqqugaasut, unnuisarfinnut inissinneqapallapput eqqissillutillu juullisiorlutik.
AAMMA ATUARUK Ilaqutariit ikiorneqartut
Taama oqaluttuarpoq Kommune Kujallermi isumaginnermut pisortaq Nielsine Petersen, ilaqutariinnut eqqugaasunut taamatullu pisortanut attaveqaataasoq.
Qaqortumi innuttaasut, peqatigiiffiit suliniaqatigiiffiillu ilaqutariinnut ikiuukkusunnerat attorttinnartoq, isumaginninermut pisortaq oqarpoq
- Lions Club Qaqortoq ilaqutariinnut eqqugaasunut ornigullutik juullerpaluttunik Julekurvenik pajuttuipput, kiisalu
inissinneqarallarfigisaanni hotellejlighedeni piginnittut neriniartarfiuteqaramik, taakkua unnukkut neriartarfimmi nerinissaannik neqerooruteqarput.
AAMMA ATUARUK Qaqortumi ikuallattoqarnerani ilaqutariippassuit qimagutitinneqartut
Kommune Kujallermi isumaginninnermut pigaartoq socialvagten innutaasunit attavineqagallattarpoq.
- Qaqortumi innuttaasut ilaqutariinnut eqqugaasunut tuniserusullutik, isumaginninnermut pigaartumut, socialvagtimut sianertarput, tamannalu qujanarpoq, Nielsine Petersen oqarpoq.
Inissiami unnuakkut ikuallattoqarnerata kingorna ilaqutariit qimagussuuneqareerlutik inissinneqareerlutillu maanna eqqissisimaarput.
Ilaqutariit eqqorneqartut nalaatsinerlussimanermit ikiorneqarnissaannik neqeroorfigineqartut Nielsine Petersen oqaluttuarpoq.
Inersimsut 16-it meeqqallu pingasut Qaqortumi inissiami blok J-mi najugaqartut annertuumik ikuallattoqarneranit eqqugaapput.
- Ullunik ataasiakkaarivugut. Aqagu sunik pisariaqartitsisoqassanersoq naluarput, kisianni ikiuukkumasoqarluarpoq,
- Attortisimanartorujussuuvoq ikiuukkusussuseq annertunermik, Kommune Kujallermi isumaginnermut pisortaq Nielsine Petersen taama oqarpoq.
Ilaqutariit inissiani inigisaminnut qaqugu uteqqissinnaanersut politiit inissiaatileqatigiiffiullu INI A/S-ip aalajangertussaavaat.