Qaqortumi ikuallattoqarnerani ilaqutariippassuit qimagutitinneqartut
Qaqortumi sapaammi ullaassakkut ikuallarujussuartoqarpoq. Inunnik ajoqusertoqanngitsoq, politiit oqarput.
Allattoq Karsten Sommer, Sara K. Jakobsen
Nalunaaqutaq 16:04 nutartigaq:
Qaqortumi inissiami blok J-imi ikuallattoqarnera politiinut qatserisartunullu decembarip 24-ani ullaassakkut 04:45 kalerriutigineqarpoq.
Quleriillu qullersaata ilaa ikuallassimavoq, siaruaassinnaammallu najugaqartut ilaqutariit arfineq-marluk napparsimmavimmut qimagutitinneqartut, politiit tusagassiorfinnut allapput.
Qatserisartut akunnerit marluk qatserereerneranni ikuallanneq qamivippoq.
Arlaannaannilluunniilli ajoqusertoqanngilaq inissialli ilaa ajoqusermat ineqartorpassuit eqqugaapput.
Qimagutitinneqartut inissikkallarneqarnissaat kommunip upalungaarsimasuisa inissiaatileqatigiiffiullu A/S INI-p sulissutigaat.
Ikuallanneq pillugu annerusumik maanna paasissutissaqannngilaq.