Assi: Kåre Hendriksen

Biologit innersuussutaasa marloriaataannik Naalakkersuisut pisassiipput

Naalakkersuisut ippassaq marlunngornermi aalajangerpaat aqutsiveqarfimmi Qeqertarsuup Tunuani sinerissap qanittuani qaleralinnik pisassiissutit 500 tonsinik ukiup sinnerani aalisarneqartussanik ilaneqassasut.

- Qaleralittassiissutit ilaneqarnerinut pissutaavoq, Qeqertarsuup Tunuani sinerissap qanittuani umiatsiaararsorluni ukiumut pisassiissutit novembarip arfineq pingajuanni 2019-imi tamakkerlugit aalisarneqareermata.

AAMMA ATUARUK Immanuelsen: Pisassanik agguaasarnerit politikerit aalajangigassaraat

Aalisarnermut piniarnermullu naalakkersuisoqarfik taama tusagassiutinut nalunaaruteqarpoq.

Umiatsiaararsortunut 234 tonsit, aalisariutilinnullu 266 tonsit ilaatigut agguaanneqarput. Umiatsiaaqqamik aalisartut pisassiissutigineqartut qassutinik aalisassanngilaat.

Ilassutigineqartut aqutsiveqarfimmut Qeqertarsuup Tunuanut ukioq manna pisassiissutit katillugit 11.080 tonsiulerput, ilisimatuussutsikkut siunnersuutigineqartut 116 procentinik qaangerneqarlutik. Ilisimatuussutsikkullu siunnersuutigineqartut 5.120 tonsiullutik.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat