Assi: Forsvaret

Aalisagartassiissutit: Biologit inassutaasa malinneqannginnerat akisunaarneqarsinnaasoq

Aalisakkat pisassiissutit pillugit biologit innersuussutaat malinneqartinnagit tamanna imminut akilersinnaanngilaq. Pinngortitaleriffiup aalisakkat qaleruallillu pillugit immikkoortortaqarfiani pisortaq Helle Siegstad oqarpoq.

Aalisakkat pisassiissutit pillugit biologit innersuussutaat malinneqartinnagit tamanna imminut akilersinnaanngilaq. Pinngortitaleriffiup aalisakkat qaleruallillu pillugit immikkoortortaqarfiani pisortaq Helle Siegstad oqarpoq.

Taama nalunaaruteqartoqarpoq, naalakkersuisut biologit innersuutaannit amerlanerungaartunik pisassiimmata.

- Pinngortitaleriffimmit paasissutissaatigut tunngavigalugit siunnersuisarpugut, aalisartut aalisakkanik qanoq pitsaanerpaamik iluaqutiginnissinnaanersut nalilersortarlugu, Helle Siegstad oqarpoq.

AAMMA ATUARUK Aappaagumut aalisagartassiissutit aalajangersarneqartut

Helle Siegstad oqarpoq, innersuussutit isumalluutinik pitsaanerpaamik atuinissamut tunngasuusut, imaanngitsoq aalisagartassiissutinik nungusarneqassasut, Helle Siegstad aamma oqarpoq. Pisassalli pissarsilluaataasinnaassusiat qanoq iluaqutigineqarsinnaanersoq apeqqutaavoq.

Amerlavallaartunimmi aalisakkanik mikisunik pisaqartoqarsinnaasoq, Helle Siegstad ilaatigut oqarpoq.

- Aalisakkat naammattumik iluaqutigineqanngitsuussapput. Tassa aalisakkanik mikisunik iluaqutigineqarsinnaanngitsunik amerlavallaanik pisaqartoqartoorsinnaavoq. Aalisakkat ima ikilisittoortinneqarsinnaapput, aalisartut isertitaannut akiligassaannullu pitsaanngitsumik aalisarnerliorsinnaapput, Helle Siegstad oqarpoq.

Pinngortitaleriffiup aalisakkat qaleruallillu pillugit immikkoortortaqarfiani pisortap Helle Siegstadip aamma erseqqissaatigaa, pisassiissutit tamakkerlugit biologinit innersuussutigineqartut amerlineqanngitsut, sinerissalli qanittuani saarullittassiissutit avannaanilu qaleralittassiissutit innersuussutigineqartut qaangerlugit pisassiisoqarsimasoq.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat