Binzer: Aleqa tupaallaatiginngilara
Michael Binzeri, Tele- Postimi pisortaanertut atorfimminit tunuaqqammersoq, Naalakkersuisut sakkortuumik isornartorsiorpai.
- Nunatta siuttua akileeraarutigut atornerlukkai akuersaaginnarsinnaannginnakku akeliussutsimik takutitsivunga, Michael Binzer, ukiuni 20’ini aatsaavissuaq akerluissutsimik takutitsisoq KNRimut oqarpoq.
Aamma atuaruk Akerliussutsimik takutitsisut: Naammaleqaaq! Naammaleqaaq!
Taassuma Nunatta karsianit aningaasanik atuisoqarsimanera tupaallaatiginngilaa.
- Kamappunga, pisoq piaartumik kinguneqartariaqarpoq. Ajoraluartumik pisoq tupaallaatiginngilara. Massakkullu akerliunermik takutitsisariaqalerpugut, tamannalu inuppassuit aggianeratigut takuneqarsinnaavoq, Michal Binzer oqarpoq.
”Aleqa tunuartariaqarpoq”
Michael Binzeri isumaqarpoq qinersisoqarnissaa avaqqunneqarsinnaanngitsoq.
- Ajoraluartumik qinerseqqittoqartariaqarpoq. Ajornartorsiutip ullumikkorpiaq aaqqinneqarnissaa ilimaginngilara. Naapertuilluartumik innuttaasut pineqassappata Aleqap karsimiit tigusisimanera kinguneqartinneqartariaqarpoq. Aleqa tunuartariaqarpoq, Michael Binzer isumaqarpoq.
