Billundip mittarfiani Kalaallit Nunaat takuniarneqarsinnaasoq
Billundip mittarfiani assilisanik saqqummersitsineq "Grønlands Ansigt"-imik taaguuserneqartoq, kalaallisut "Kalaallit Nunaata kiinaa", Chris Christophersenimit suliarineqarpoq.
Taanna aamma kunngikkormiunik assiliisartutut Danmarkimi ilisimaneqarpoq.
Assiliisartoq Maniitsumi siuaasaqartoq pinngortitap, inuit avatangiisillu assinginik saqqummersitsivoq.
Kalaallit Nunaata kulturiannik ilisimasaqarnerulersitsinissaq Kalaallillu Nunaannut tikeraarusulersilersitsinissaq saqqummersitsinerup siunertaraa.
- Saqqummersitsinerma siunertaraa, Kalaallit Nunaata ilisarnaatai assilianngorlugit takutinnissai. Neriuppungalu, saqummersitsinermut alakkaasut Kalaallit Nunaannukarnissamut isumataarumaartut, uangalu misigisattut misigisaqarlutik, Chris Christophersen oqarpoq.
Angalasut 900.000-it missaat saqqummersitsinerup nalaani mittarfik aqqusaarumaaraat, Chris Christophersen nassuiaavoq.
- Kalaallit Nunaata pitsaanerpaamik takutinnissaanut peqataallunga isumaqarpunga. Kalaallit Nunaat pitsaasumik ilisaritikkakku saqqummersitannik takuniaasut amerlasuut nersualaarpaannga, Chris Christophersen oqarpoq.
