GE: Biilinut akitsuusersuinissaq akornusiissaaq

Naalakkersuisut biilinut hybridinut akitsuusersuiniarnerat avatangiisinut, silap pissusianut CO2-millu aniatitsinitsinnik annikillisaaniarnissamut pisussaaffitsinnut eqquissapput. Sulisitsisut, GE taama isumaqarpoq.

- Naalakkersuisut siunnersuuteqarnerminni avatangiisinut suliniuteqarnermini illuatungiliisut, GE allaaserisaqarpoq.

Biilit hybridiusut akitsuusersornerata kingunerisaanik avatangiisinut silallu pissusianut ajoqusiinngitsut tunisaanerat unittuussasoq, GE isumaqarpoq.

AAMMA ATUARUK Naalakkersuisup akitsuusiisannginneq atorunnaarsinniaraa

Sulisitsisut peqatigiiffiata Naalakkersuisut siunnersuutaat hybridit akitsorujussuarnerannik kinguneqassanerarpaa.

- Taakku biilinit angeqqatiminnit benzinatunngikkunik dieselitortunit 75 procentip missaanik akisunerulissapput.

Nunani allani biilit innaallagiatortut hybridiusullu suli amerlanerusut nunatsinnilu taama ineriartortoqarnissaa naatsorsuutigineqartoq, Naalakkersuisut siunnersuuteqarnerminni oqaaseqaataanniippoq.

AAMMA ATUARUK Bilimporten er røget i vejret på fem år

Biilit innaallagiatortut aqqusinertigut angallannermut akitsuuserneqassanngitsut, aningaasaqarnermut naalakkersuisup, Pele Brobergip Sermitsiaq.AG-mut erseqqissaatigaa.

- Biilit innaallagiatortuinnaat hybridillu immikkoortinnissaat pingaaruteqarpoq, Sermitsiaq.AG-p nittartagaanut oqarpoq.

- Issuaanerilli arlaannaaniluunniit biilit innaallagiatortut hybridillu tunisaanerat benzinatortunut dieselitortunullu unammisutut allassimanngilaq, GE siunnersuummut isornartorsiuinermini allappoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat