Allagaatinik takkunnikkumaneq: Politiit benzinasiutissaq pillugu aalajangiinerat aajuna
Tamannalu tunngavigalugu politiit naliliipput suliap eqqartuussivimmut suliassanngortinneqarnissaa siunertaqanngitsoq.
- Pasillerneqartup pinngitsuunerminik oqaaseqarnera, (...) kortillu orsiissutissap Namminersorlutik Oqartussanit pigineqarneranik ilisimasaqannginnerminik nassuiaanera pingaartissimavara. (...) aamma nassuiaavoq kortip atornissaanut (...) Doris Jakobsenimit akuerineqarsimalluni.
Politiinut nalunaarutigineqartup aqqa allagaatinik takunnikkumannilu KNR-ip noqqaassutigisimasaani peerneqarsimavoq.
AAMMA ATUARUK Deloittep benziinasissutissaq pillugu misissuinera aana
Doris J. Jensenip pineqartumut, meeqqaminik paarsisussatut piffissap ilaani najugaqaqatigisimasaminut, kortimik tunniussinermini erseqqissuliorsimannginnini nassuerutigigaa, politiit aalajangiineranni atuarneqarsinnaavoq.
- Doris Jakobsen nassuiaavoq naalakkersuisup biiliata orsernissaanut (...)-p kortimik atuisinnaanera akuerisimallugu, kortilli siunertamut tassungaannaq atoqqusaanera immaqa erseqqissumik oqaatigisimanagu, politiit aalajangiineranni maajip 24-ani 2018-imeersumi, taamanilu Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiusumut nassiunneqartumi tamanna atuarneqarsinnaavoq.
Doris J. Jensen peqqissutsimut, isumaginninnermut inatsisinillu atuutitsinermut naalakkersuisutut pingasunngormat tunuarniarluni aalajangerpoq. Tamanna sioqqutitsiarlugu, Inatsisartuni amerlanerussuteqartut Doris J. Jensenimut tatiginnikkunnaarnermik taasititsinissamut piareersimallutik nalunaarutigaat.
Aalajangiineq aajuna (danskisuinnaq allagaavoq):
