Aviisi Charlie Hebdo saqqummersinneqaqqilersoq
Aviisimut Charles Hebdomut pinerliiniat ippassaq iserlutik tassani sulisut qulit politiillu marluk toqoreeraluaraat, taammaattoq aviisi sapaatip akunnerani tullermi saqqummersinneqassaaq.
Aviisimi atorfilik nutaarsiassaqartitsivimmut AFP-mut taama paasissutissiivoq.
Aamma atuaruk Frankrigimi peqqarniisaartoqarmat inuit aqqaneq-marluk toqutaasimapput
Aviisi Charles Hebdo sapaatip akunneranut ataasiarluni saqqummersartoq 60.000-inngorlugu saqqummersinneqartaraluarpoq. Sapaatip akunenranili tullermi saqqummersinneqaruni 1 millioninngorlugu saqqummersinneqassasoq, tusarfiit oqaatigaat.
Frankrigmi aviisinik tuniniaasartut kioskit maannamut nalunaarutigereerpaat, aviisi Charles Hebdo saqqummersinneqarpat, takussaalluartunut inissinneqassasoq taamaalilluni psinianit pisiarineqarluarnissaa qulakkeerneqassalluni.
Aamma atuaruk Frankrigimi ulloq aliasuffik
Aviisimi sulisut sinneri ullumi suliartornissaminnik isumaqatigiissuteqarput, taamaalillutik ilanngutassianik aamma titartakkanik quiasaarutinik saqqummersitsinissaminnut piarrersassallutik.
- Suleqatitta toqukkut qimagunneri uummatitsigut anniaatigaarput, taamaattorli pinerliinianit unitsinneqannginnissarput pissutigalutigu aamma pinerliiniat ajugaannginnissaat pissutigalugu, suliartorniarpugut, aviisimi tusagassiortoq, Patric Pelloux oqarpoq imalu naggasiilluni.
- Aqerluusat pappialat nunguterutillu sakkugalutigit pinerliiniat akiussavagut. Tassami pinerliiniat aviisip saqqummertarunnaarnissaannik piumasaat malinneqassappat assigiinnarpaa kikkut tamat oqartussaatitaanerat isummersortitaasinnaanerallu Frankrigimi atorunnaarsikkaanni, Patric Pelloux oqarpoq.
Kommuneqarfik Sermersooq misiginneqataasoq
Pinerliiniat Parisimi saassussineranni sulisut politiillu marluk toqutaaneri pillugit, Kommuneqarfik Sermersooq misiginneqatiginnilluni erfalasut qiteqqusimassagaat, borgmester Asii Chemnitz Narup tusagassiutinut nalunaaruteqarpoq
- Kommuneqarfik Sermersooq støtter demokratiet og ytringsfriheden, og det er vores håb at vi i fællesskab må værne om disse, skriver Asii Chemnitz Narup og tilføjer:
- vi sender en særlig tanke til vore franske borgere i Kommuneqarfik Sermersooq.
