Paasissutissat kingulliit Frankrigimi ulloq aliasuffik

Nunatta nalunaaqutaa malillugu ullaaq arfineq pingasunut, Frankrigimi inuit millionilikkaat minutsimi ataatsimi nipaallisimapput eqqaaniaallutik, aviisimi Charles Hebdomi sulisut tusagassiortullu aqqaneq marluk pinerliinianit ippassaq toqutaanerisa kingorna.

Aamma atuaruk Frankrigimi peqqarniisaartoqarmat inuit aqqanillit toqutaasimapput

Tamatuma peqatigisaanik pinerliiniatut pasineqartut, qatanngutigiit marluk Frankrigip avannaaniit Parisip tungaanut biilertut takuneqarsimasut, nutaarsiassaqartitsivik AFP allappoq ernummatigineqarnerarlugulu allallutik, mpinerliiniat saassusseqqinnissaat.

Tamanna pillugu Parisimut aqqutit tamarmik ingerlaafigineqarsinnaanngikkallartut, poltiinit nalunaarutigineqarluni.

Pasineqartut Renault Cliomik biileqartut, orsersortarfimmi pisortamit takuneqarsimasut allaaserineqarpoq. Biili taanna pinerleereernerup kingorna aallarunneqarsimasutut politiinut nalunaarutigineqartoq.

Parisimut aqqutini ingerlaarfigineqarsinnaanngikkallartuni politiit sakkulisartut takussaapput. Parisillu qulaaniit qulimiguullit nakkutiginnillutik piareersimapput.

Parisimilu aqquserngit tusaamaneqarnerpaat ilaat, Champs Elysees biilinik ingerlaarfigineqaqqusaajunnaaqqavoq.