Aviisi AG aaqqissuisortaartoq
Ukiorpassuarni tusagassiortortik, Jette Andersen, aviisimi AG-mi aaqqissuisunngortoq, nutaarsiassaqartitsivik Sermitsiaq.AG tusagassiorfinnut nalunaarpoq.
Jette Andersen nutaarsiassiinermi digitalinngorsaanerminni ingerlariaqqinnissaminnut pingaaruteqarmat toqqaritsik, nutaarsiassaqartitsiviup Sermitsiaq.AG-p pisortaa Masaana Egede oqarpoq.
- Jette digitalinngorsaanermi sammivissiornitsinni tamatumalu peqatigisaanik AG-p ilisimaneqaatigisaanik aaqqissuisoqarfitsinni naleqartitatsinnik attassinitsinni ikiuussinnaassasoq upperaarput, Masaana Egede aaqqissuisunngortoq pillugu ilaatigut oqarpoq.
Jette Andersen AG-mi ukiorpassuarni tusagassiornermik misilittagaqarluni aviisip sannaanik ilisimaarinnimmat aaqqissuisussatut toqqaritsik, Sermitsiaq.AG allappoq.
- Jette Andersenip atuartartut pisariaqartitaannik paasinninnermik naaperiaanermillu piginnaaneqarnerata taanna tassaalersippaa piffissami aviisip imarisaata naqitani nittartakkanilu soqutiginaateqarfigisassaanni AG-p siulersornissaanut piukkunnarluinnartoq, Masaana Egede oqarpoq.
Inuppalaartumik inuiaqatigiinnullu pingaarutilinnik tusagassiineq ukkatariitigalugit digitalinngorsaanerminni ingerlariaqqinnissaminnut suliassani qilanaarigini, aviisimi AG-mi aaqqissuisunngortoq Anette Andersen oqarpoq.