Avannaata Kommuniani borgmesterip Naalakkersuisut Avanersuarmi piniartunut ikiorseeqquai

Avanersuarmi piniartunut Qaanaami KNAPP Inatsisartunilu ilaasortaq Mikivsuk Thomassen Naalakkersuisunut immikkut ittumik sapaatip akunnerani kingullermi ikiorseeqqusipput.

Maannalu Avannaata Kommuniani borgmesteri Palle Jeremiassen Naalakkersuisut akissutaannut aamma naammaginninngilaq.

- Isumaqarpunga Naalakkersuisut taamatut oqariartunnginnerminni nalunngereeraat taamatut saaffiginninneq annertunerusumik ikiuinermik kinguneqarnavianngitsoq.

Taamaammat Avannaata Kommuniani borgmesterip Naalakkersuisut Avanersuarmi piniartunut aalisartunullu immikkut ittumik ikiorsiissuteqarnissaat kissaatigaa.

- Silaannaap allanngoriartornerata kingunerisaanik taamatut inissisimasoqalermat immikkut Qaanaami piniartut inatsisit avataatigut ikiorserneqarnissaat immikkoortumi pisariaqarluinnarpoq. Taannalu neriuppunga naalakkersuisut naammassisinnaassagaat uagut suleqatigaluta. Massakkut ilungersorput, allatut ajonartumik immikkut isigineqartariaqarput taamatut inissimanerat. Tuaviortumillu taanna pisariaqarpoq.

Kissaatit arlalinnit malinnaaffigineqartut

Isumaginninnermut, Suliffeqarnermut, Nunamullu Namminermut Naalakkersuisoq Jess Svane akissuteqarluni oqarpoq piniartut aalisartullu suliffissarsiortutut allatsikkunik pisortanit ikiorserneqarnissamut periarfissaqalissasut.

Naalakkersuisup akissutaa Qaanaami KNAPP-mit Inatsisartunilu ilaasortamit Mikivsuk Thomassenimit naammaginartinneqanngilaq.

Palle Jeremiassenip oqaatigaa Naalakkersuisut kaammattuutigisaat malillugu piniartut Qaanaami kommunip allafianut saaffiginnittarsimagaluartut.

- Kisianni naatsorsuutsiniarnermut killikkaangamik piumajunnaartarsimasut nalunnginnamikku assigiinngitsut piumasaqaatit tamakkua pissappata annertunerusumik pissarsissutigiunnannginnamikku. Sualummik aamma aappaqarunik sulisuusumik, taamaattumik taanna atorumanngilaat.

Taamaammat Avannaata Kommuniani borgmesterip naalakkersuisut Avanersuarmi piniartunut immikkut ittumik piniartunut aalisartunullu ikiorsiissuteqarnissaat kissaatigaa.

- Silaannaap allanngoriartornerata kingunerisaanik taamatut inissisimasoqalermat immikkut Qaanaami piniartut inatsisit avataatigut ikiorserneqarnissaat immikkoortumi pisariaqarluinnarpoq. Taannalu neriuppunga naalakkersuisut naammassisinnaassagaat uagut suleqatigaluta. Massakkut ilungersorput, allatut ajonartumik immikkut isigineqartariaqarput taamatut inissimanerat. Tuaviortumillu taanna pisariaqarpoq.