Naalakkersuisoq: Avalak nammineerluni aningaasanik qinnuteqarsinnaavoq
Ane Lone Bagger, Avalaap siulittaasuata Hans Peter Mønstedip apeqqusiineranut taama akissuteqarpoq:
- Avalaap aningaasat taakku annaasimasani Tips- aamma Lotto aqqutigalugu, peqatigiiffiit allat assigeqqinnaarlugit qinnuteqaateqarsinnaavoq, qinnuteqarnermilu sammisassaqartitsineq sunaanersoq, taavalu piumasaqaatit assigiinngitsut naammassineqarnerisigut aamma tapiiffigineqarsinnaallutik, Ilinniartitaanermut naalakkersuisoq Ane Lone Bagger taama oqarpoq.
AAMMA ATUARUK Avalaap sipaarniarfigineqarnera siulittaasup tupigusuutigaa
Avalammut aningaasaliissutit siornatigut 200.000 koruuniusarsimanerat, taassuma assersuutigaa. 404.000 koruuninullu qaffanneqarmata Tips- aamma Lottomit aningaasaliissutit aqqutigalugit qinnuteqassaarsimasut:
- Ukioq atuarfiusoq 2014/2015 assersuutigalugu Avalak 153.000 koruuninik tapiissutisisarsimavoq, Avalammullu aningaasaliissutit 2016-ip kingorna 404.000 koruuninut qaffanneqarmata qinnuteqartarunaarsimalluni. Taamaattumik allatigut aningaasanik aallersinnaaneri qulakkeeqqaarniarsimavagut, Ilinniartitaanermut, Kultureqarnermut, Ilageeqarnermut Nunanullu Allanut naalakkersuisoq Ane Lone Bagger taama oqarpoq.
AAMMA ATUARUK Avalammut tapiissutit politikerit amerleqqikkumagaat
Avalammut aningaasaliissutit affaannanngortinneqarnerat nammineq kajumissutsiminnik katersuinermik kinguneqarsimavoq. Henrik Soloyimi, Kalaallit Nunaanni siornatigut najugaqarsimasoq, nammineq kajumissutsiminik Avalammut aningaasanik katersinialerpoq:
- Assersuutigalugu Avalaap aaqqissuussai assigiinngitsut apriilimi pisussatut pilersaarutigineqarput, taakkualu iluatsissappata maannangaaq aningaasaliisoqartariaqarpoq, Henrik Soloy ilaatigut oqarpoq.