AU-mik aatsaat taama amerlatigisut naammassinnittut
Niuernermi Ilinniarfimmi ilinniartut 28-it 2013-imi allaffissornermi ilinniagartuunngorniarlutik aallartipput, maannalu ukiut marluk qaangiummata 22-it naammassipput. Inaarutaasumillu karaktererisaat aatsaat taamak qaffasitsigalutik.
Ilinniakkamik aallartittut 82 procentii naammassinnipput.
Inaarutaasumillu karaktererisaat aatsaat taamak qaffasitsigalutik.
Ilinniartut taama annertutigisumik angusarissaarsimanerminnut ataqatigiinneq, akisussaassuseq suleqatigiissinnaanerlu peqqutaatippaat.
Aamma atuaruk Ilinniagariniakkamik toqqaanerluttarneq unissutaanerpaasarpoq
Taama angusarissaarsimatigineq ilinniakkamik ataqatigiissaarisup Dagmar Joensenip nuannaarutigaa:
- Tassami ikoqatigiinnermi ikiuuttoq ikiukkatulli pissarsitigisarpoq. Taamaaliornq tamanut iluaqutaasarpoq. Taamaamamt ilinniarfinni ingerlaqqiffiusuni ilinniartut taama imminnut pisartuuppata iluaqutaassaqaaq, Dagmar Joensen oqarpoq.
Ilinniakkamik naammasseqataasut ilagaat Demokraatineersoq Randi Vestergaard Evaldsen.
Taanna KNR-imut allappoq, ilinniartitsisut pikkorilluinnarsimasut ilinniartitsissutiminnullu tunniusimallutik siunnersuillaqqissimasut aammalu ilinniartut ikorfartortuarsimallugit.
