Politeeq tunuartitaagallartoq: Atuarfimmi aallaasersortoqarnerani ikiuutinngitsoq
Aallaasersortoqarnerani politi sulisoq atuartunik illersuisussaagaluarpoq, angut atuarfimmi aallaasersulermat inuit 17-t toqutaapput pisullu nalaani politi takkuteqqaartoq illorsuarmiinnani silataaniissimavoq ikiuunnanilu.
Videoliami takuneqarsinnaavoq politeeq atuarfiup silataaniiginnartoq naak atuarfimmi toqoraasoqaraluartoq.
Politeeq aallaaseqarsimavoq uniformeqarsimallunilu.
- Minutsit arfinillit aallaasersortoqarnerani atuarfimmut iseriarluni aallaasersortoq sumiissuserniarlugu ujartussaagaluarpaa toqullugulu, Sheriffe The Washington Postimut taama ilisimatitsivoq.
Pisoq pillugu aamma misissuisoqartoq ilisimatitsissutigineqarpoq.
Politeeq pineqartoq 2009-miilli sulilerpoq suliunnaarsinneqareeramilu nammineerluni atorfiminit soraarluni.
AAMMA ATUARUK Floridami atuarfimmi aallaasertoqarnerani ikinnerpaamik 17-it toqutaasut
